Steps

1. Sjóðið hrísgrjón: Setjið 180 ml af vatni í lítinn pott ásamt smá salti og náið upp suðu. Bætið hrísgrjónum út í pottinn og lækkið hitann svo það rétt kraumi í pottinum og látið malla undir loki í 13 mín. Takið svo af hitanum og látið standa undir loki í 10 mín.
2. Jógúrtsósa: Setjið sýrðan rjóma / gríska jógúrt í skál. Blandið við smá límónusafa og rífið smá límónubörk út í. Rífið 2 hvítlauksrif og blandið saman við sósuna ásam smá steinselju. Smakkið til með salti.
3. Brúnið kjöt: Skerið lauk og papriku smátt (geymið smá fyrir salat). Hitið smá olíu á pönnu við frekar háan hita og brúnið kjötið vel. Færið kjötið á disk til hliðar og hellið fitunni úr pönnunni ef þarf.
4. Steikið grænmeti: Lækkið hitann í miðlungshita og steikið lauk og papriku þar til laukurinn er orðinn glær og mjúkur. Bætið kjötinu aftur út á pönnuna ásamt kryddblöndu og salsa. Steikið í stutta stund. Bætið 75 ml af vatni út á pönnuna og steikið í 1-2 mín. Smakkið til með salti og takið af hitanum.
5. Bakið í ofni: Færið innihald pönnunnar í lítið eldfast mót og toppið með osti. Hyljið formið með álpappír og bakið í miðjum ofni í 10 mín. Takið álpappírinn af forminu og bakið áfram í um 10 mín. eða þar til osturinn er fallega bráðinn og búinn að taka fallegan lit.
6. Salat: Skerið tómata í litla bita og saxið salatblöndu smátt. Setjið tómata, salatblöndu, papriku og rauðlauk í skál og blandið vel saman.
7. Berið fram: Berið fram carne con arroz með bræddum osti, nachos, suðrænni sósu og fersku salati.