Steps

1. Sjóðið kjúklingabringur: Setjið vatn í pott og náið upp suðu, bætið kjúklingabringum út í og lækkið hitann í lægstu stillingu. Látið standa með loki í um 15 mín eða þar til kjúklingurinn er eldaður í gegn. Gott er að skera aðeins í þykkasta part kjúklingsins og sjá hvort hann sé eldaður í gegn og bæta aðeins við tímann ef þarf. Setjið kjúklinginn svo á disk og hyljið með álpappír.
2. Skerið grænmeti og bætið við hráefnum: Saxið papriku og rauðlauk. Hitið smá olíu í potti og steikið papriku og rauðlauk við miðlungshita þar til laukurinn er farinn að mýkjast. Bætið kryddmauki út í og steikið í 1-2 mín. Bætið salsasósu, niðursoðnum tómötum og 500 ml af vatni út í. Hrærið vel saman og látið malla með loki í um 15 mín.
3. Bætið rjómaosti og kjúklingi út í súpuna: Bætið rjómaosti (merktur með límmiða) út í pottinn og látið malla við vægan hita í um 5-10 mín. og hrærið vandlega. Smakkið súpuna til með salti og pipar ef þess þarf. Notið tvo gaffla til þess að rífa kjúklingabringurnar í sundur og bætið út í súpuna.
4. Berið fram: Skerið lárperu í bita og saxið kóríander eftir smekk. Berið fram mexíkóska kjúklingasúpu með rifnum osti, nachosflögum, sýrðum rjóma og kóríander.